21 хоногийн тусгаарлалтын хугацаагаа дуусгаад гарсан тээврийн жолооч болон эхнэрээс нь коронавирусийн халдвар илрээд байгаа билээ. Тэгвэл дээрх иргэд ямар замаар халдвар авсан нь одоогоор тодорхойгүй байгаа. Тээврийн жолооч тусгаарлалтаас гарахдаа халдвар авсан байх магадлалтай аж. Тодруулбал тээврийн жолооч "Энхсаран" сувилалд тусгаарлалтад байсан бөгөөд түүний ойролцоо байсан хүнд коронавирус илэрсэн байна. Өөрөөр хэлбэл,  тухайн иргэн "Энхсаран" сувилалд байхдаа коронавирус илэрсэн хүнтэй хавьтал болж халдвар аваад, эхнэртээ халдаасан байх боломжтой гэдгийг ЭМЯ-ны хэлтсийн дарга Д.Нарангэрэл онцолжээ. 

Б.Баатар