Энэ сарын 11-нд нийтдээ 644 хүн шинжилгээ хийснээс 24 хүнд халдвар илэрч, батлагдсан тохиолдол 402 боллоо.

Үүнээс 317 нь эдгээд буй. Манай улсад гуравдугаар сарын 10-нд коронавирусний анхны тохиолдол бүртгэгдсэннээс хойш УОК, эмч, цагаа, онцгой байдал, мэргэжлийн хяналт гээд төрийн байгууллагынхан халдварыг дотооддоо алдахгүйн тулд өдөр шөнөгүй бэлэн байдлын зэрэгт ажиллаж ирсэн.

Төрийн байгууллага, иргэд хамтарч халдвар хамгааллын дэглэмээ сахисны дүнд цар тахлыг дотооддоо алдаагүй цөөн орны тоонд нэрлэгдэж, дэлхийн олон улсад жишиг болон ирсэн билээ.

Халдвартай чин сэтгэлээсээ “тулалдаж”, баг хамт олноо зөв зохион байгуулалтад удирдаж буй ХӨСҮТ-ийн захирал Д.Нямхүү эмчийн төрсөн өдөр өнөөдөр тохиож байна. Нэг өдөр ч гэртээ тайван тухлах завгүй иргэдээ хамгаалж байгаа танд баярлалаа эмч ээ.

Одоо өмнө нь гаргасан амжилтаа бататгах чухал үүрэг бидэнд ирээд байна. Дан ганц мэргэжлийн байгууллага гэлтгүй иргэн бүрийн оролцоо хамгаас чухал юм.

А.Сүх