Хотоос гарах хөдөлгөөнийг энэ сарын 17-.ны 06 цаг хүртэл хязгаарласан билээ. Харин хөдөө орон нутгаас нийслэл рүү орж ирэх автомашинуудыг чөлөөтэй нэвтрүүлж байгаа ба тэдгээр иргэдэд хязгаарлалтын хугацаа дуустал буцаан гаргахгүй гэдэг зөвлөмжийг хэлж, сануулж байгаа аж. Харин онцгой тохиолдолд тухайлбал, буяны ажилд оролцох, эсвэл мах, махан болон хүнсний бүтээгдэхүүн ачсан, шатахуун тээвэрлэж яваа автомашинуудыг тодорхой асуумж бөглүүлэн, нийслэлээс гарахыг зөвшөөрч байгаа аж. Бусад тохиолдолд гаргахгүй гэсэн ч иргэд Эмээлт орчимд дараалал үүсгэн, гаргахыг шаардаж буй нь албаныханд хүндрэл учруулж буйг хэлж байна. Тиймээс иргэдийг ухамсартай байж, хатуу хөл хорио тогтоосон гэдгийг ойлгож, дүрэм журмаа мөрдөхийг УОК-оос уриалж байна.
Нийслэлийн хэмжээнд 10147 үйлчилгээний газрууд үйл ажиллагаа явуулдаг байна. Хатуу хөл хорионы энэ цагт супермаркет, бөөний төв, хүнсний дэлгүүр зэрэг үйлчилгээний газруудыг 07-21цаг хүртэл ажиллуулахаар болсон билээ. Өнөөдрийн байдлаар 5822 үйлчилгээний буюу баар, ресторан, цайны газрын үйл ажиллагааг түр хугацаагаар хаасан байна.
