ГХЯ-ны Консулын газрын захирал О.Мөнхтүшиг "Өнгөрсөн хугацаанд Засгийн газар, Улсын онцгой комиссын шийдвэрээр гадаад улсаас нийтдээ 27 мянга 183 иргэнийг эх орондоо авчраад байна. Энэ хугацаанд 106 удаагийн нислэгээр 20 мянга 582 иргэнийг авчирчээ. Арваннэгдүгээр сард 10 удаагийн тусгай үүргийн нислэгээр 1900 гаруй иргэнийг эх оронд нь авчрахаар төлөвлөж байсан боловч үүсээд байгаа нөхцөл байдалтай холбогдуулан Шадар сайдаас өгсөн чиглэлийн дагуу энэ сард хийхээр төлөвлөж байсан үлдсэн долоон нислэгийг цуцлах шийдвэр гаргалаа. Ийм учраас эдгээр нислэгээр ирэх гэж байсан иргэд ЭСЯ-нд хандаарай. Хэрвээ нислэгийн тийзээ авсан байгаа бол дараагийн нислэг товлогдоход ирэх эсэх талаар МИАТ компанитай холбогдох юм.

Цуцлагдсан нислэгүүдийг хэзээ хийх нь нөхцөл байдлаас шалтгаалах учраас одоогоор тов хэлэх боломжгүй байна" гэлээ.

Б.Баатар