ЦЕГ-ын Хэвлэл мэдээлэлтэй харилцах төвийн дарга Б.Баатархүү "Хатуу хөл хорионы дэглэм мөрдөж, иргэд гэртээ байгаа ч цагдаагийн байгууллагад гэмт хэргийн шинжтэй зөрчил бүртгэгдэж байна. Хөдөлгөөний хязгаарлалтын дэглэм зөрчсөн 28 иргэнийг тогтоосон. Улаанбаатар Ховд аймгийн чиглэлд хүнс тээвэр ачиж явсан автомашинд Говь-Алтай аймгийн иргэн Э нь Ховд аймагт оршин суух бүртгэлтэй 10, Говь-Алтай аймагт оршин суух бүртгэлтэй нэг иргэнийг тээвэрлэж явсныг илрүүлэн шалгаж байна.

Мөн Хэнтий аймаг руу хоёр, Дорноговь аймгийн Даланжаргал сумын постоор том оврын автомашинд суун нэвтрэхийг завдсан дөрвөн иргэнийг саатуулсан. Түүнчлэн Дундговь аймгийн нутаг дэвсгэрээр гурав, Хэнтий аймгийн дөрөв, Увс аймгийн хоёр иргэн гэх мэт иргэд хөдөлгөөний хязгаарлалтын дэглэм, хөл хорио тогтоосон үед нууцаар сууж явсан 28 иргэнийг илрүүлээд байна. Мөн энэ үед цахим сүлжээ ашиглан бооцоотойгоор тоглох гэмт хэрэг бүртгэгдэж байгаа учраас иргэдийг цахим тоглоом тоглож, хохирохоос урьдчилан сэргийлэхийг анхааруулж байна" гэлээ.

Б.Баатар