Сэлэнгэ аймгийн нөхцөл байдлын талаар ХӨСҮТ-ийн Тандалт, судалгааны албаны дарга А.Амбасэлмаа мэдээлэл өглөө.

Тэрбээр “Сэлэнгэ аймагт эхлээд нэг гэр бүлийн гурван хүн өвчилсөн. ХӨСҮТ-д тусгаарлагдсан. Дараа нь нэг хүн өвчилсөн. Сэлэнгэ аймаг ойрын болон холын хавьтлуудаа түүгээд тандалтын зорилгоор хорьцуудаа цуглуулж байгаа.

Энэ дотроос 19 хүний түргэвчилсэн тест эерэг гарсан.

PCR шинжилгээгээр баталгаажуулна. Түргэвчилсэн тест өндөр ач холбогдолтой. 5000 хүнийг нэгэн зэрэг PCR шинжилгээнд хамруулах боломжгүй.

Түргэвчилсэн тестээрээ ойрын хавьтлуудаа хамруулж, давхар PCR шинжилгээгээр хянадаг.

Сэлэнгэ аймагт сүүлд батлагдсан хоёр тохиолдол бол Алтанбулагийн боомтоор өчигдөр орж ирсэн жолооч нар. Нэг нь ОХУ-ын иргэн учраас буцсан. Нөгөө нь ХӨСҮТ-д эмчлэгдэж байна.

Өчигдөр нийслэлд батлагдсан тохиолдол бол энд бүртгэгдээд байгаа багц өвчлөлийн анхны тохиолдлын ах нь. Ойрын бүх хавттлуудыг тусгаарласан байсан. Хамгийн сүүлд баталгаажсан халдвар гурав даь тохиолдол дээрээ халдвар нь батлагдсан. Нийслэлд батлагдсан 10 тохиолдлын ойрын хавьтал 445 хүнийг илрүүлсэн. Үүнээс анхны шинжилгээнүүдийг 36 хүнээс бусдыг нь хийсэн. Одоо үргэлжилж байна. Шинжилгээгээ авсны дараа 2-3 хоногийн зайтай давтан шинжилгээ хийж байгаа.

Нийслэлд нийт 5660 халдвартай иргэний II хавьтагч байна гэж тогтоосон. Үүнээс 3397 гаруйг нь шинжилсэн. Одоогоор халдвар илрээгүй” гэв.  

А.Сүх