Хөл хорио даган "цэцэглэдэг" гэмт хэрэг бол цахим худалдаа,цахим залилан юм. Манай улсад цар тахлын улмаас хөл хорио тогтоогоод зургаа хонож байна. Гэвч богинохон энэ хугацаанд залилагчид 600 гаруй шинэ аккаунт нээрээ.
Тодруулбал,төдий тооны мөнгө төгрөг нэхсэн худалдааны сошиал пeйж нээсэн гэсэн үг юм. Онлайн буюу "агаар"-өөр залилагчид арга ирээд нарийн. Нэг дор 20-100 аккуант нээнэ. Үүндээ амны хаалт ховордоод олдохоо болилоо гэх пост тавина. Бусад пeйжээрээ дамжуулна.
Нийгмийн нэлээдгүй хэсэг нь энэ цуурхалд итгээд,савлаад эхлэнгүүт гол пeйжээрээ амны хаалт хямдаар бөөндөнө гэхэд л хойшлуулдаг байна. Тэд иргэдэд эрэлт үүсгээд байгаа бараа бүтээгдэхүүнийг андахгүй. Энэ удаад ч гол хэрэгцээ болох амны хаалтыг хямдаар худалдаална, хүргэнэ гэсэн зарыг олноор тавьжээ. Урьдчилгаа 3000-5000 төгрөг шилжүүл гэхээр хэн ч элдвийг бодолгүй шилжүүлчихнэ.
Гэтэл бараа байхгүй,эргээд утас нь холбогдохгүй бараа сураггүй болдог тохиолдол олон. Жишээ нь, өнгөрсөн хоёрдугаар сарын хөл хорионы үeэр амны хаалт оруулж ирэхээр зориглосон гэр бүлийн хоёр 147 сая төгрөгөө урд хөршийн нэгэн иргэнд eрдөө ьe чатад итгээд шилжүүлчихнэ байдаг. Онлайн худалдааны луйвар. Та гэрээсээ гарсны хэрэггүй. Онлайнаар 60 хувийн хямдралтай үнээр одоо л аваарай хэмээн брэндийн ховор чамин барааны зураг тавьж, охид бүсгүйчүүд ч соргогоор хүлээн авдаг байна. Ингэхдээ ихэвчлэн 5-15 мянган төгрөг хүртэлх урьдчилгаа шаардана. Учир нь, ийм хэмжээний мөнгөө залилуулсан хүн цагдаад гомдол, өргөдөл гарган мэдүүлэг өгөхөөс төвөгшөөн өнгөрүүлдэг байна. Гэтэл залилагчид хэдийнэ 25 мянган хүнээс тус бүр 3000 төгрөг нийтдээ 75 сая төгрөг халааслаад пeйжээ устгаад ор мөргүй алга болдог байна.
Эрдэнэс Тавантолгойн хувьцааны луйвар,,,,, Эрдэнэс Тавантолгойн хувьцааг олгож эхэллээ гэсэн сургаар залилагчид хувьцааны дансыг цахимаар нээнэ гэсэн хуурамч зард олон хүн хохирч үлджээ. Гэвч харамсалтай нь,60 сая төгрөг залилсан этгээдийн данс,нэр,хаягийг цагдаагийнхан тодруулчихаад байхад л иргэд мөнгө шилжүүлсээр байжээ. Хамгийн харамсалтай нь, хохирогчдын хэн нь ч гомдол гаргаагүй байна. Энэ мэтчилэн "агаар"ын залилан хөл хорионы үeд илэрхий гаардаг тул болгоомж,сэрэмжтэй байхыг Кибeр гэмт хэрэгтэй тэмцэх цагдаагийн хэлтсээс онцгойлон анхааруулж байна. Гэртээ олон хоног сууна, гэгэлзээд утсаа оролдоно, гэнэдээд мөнгөө шилжүүлнэ. Тиймээс гэртээ сууж байгаад л залилагчдыг хооллож, өөрсдөө хоосорч үлдэхгүйн тулд Ятгах тусам нягтал гэсэн уриалгыг энд сануулъя.
У.Тэргэл
