ХӨСҮТ-ийн Тандалт, судалгааны албаны дарга А.Амбасэлмаа "2020 оны арваннэгдүгээр сарын 17-нд нийт 1643 хүн шинжилгээ хийхэд 20 хүнд коронавирус илэрч, нийт батлагдсан тохиолдол 455 боллоо. Тодруулбал, Улаанбаатар хотод бүртгэгдсэн голомтод ойрын хавьтал 529 хүнд шинжилгээ хийхэд таван хүнд халдвар илэрлээ. Уг голомтод бүртгэгдсэн халдварын тоо 15 болж байна.

Сэлэнгэ аймагт өчигдөр 300 гаруй хүнд шинжилгээ хийхэд зургаан хүнээс халдвар илэрсэн. Ингээд Сэлэнгэ аймагт 10 тохиолдол бүртгэгдлээ.

Мөн төмөр зам дагуух хүн амын дунд тандалт хийж байгаа талаар мэдээлсэн. Ингэхэд Говьсүмбэр аймагт цуглуулсан сорьцуудаас нэг хүнд халдвар илэрсэн. 

Ингээд Улаанбаатар хотын голомт Сэлэнгэ, Дархан-Уул аймгийг дагасан нийт халдвар 30 боллоо. Тиймээс төмөр зам дагасан суурин газруудын оршин суугчдыг шинжилгээнд хамрагдахыг зөвлөж байна. Хамгийн найдвартай арга бол амны хаалт зүүж, гараа угаах явдал юм. 

Монгол Улсад коронавирусний батлагдсан тохиолдол 455 үүнээс эдгэрсэн 329, ажиглалтад 17, гэрийн ажиглалтад хоёр хүн байна.  ХӨСҮТ-д 119 хүн эмчлүүлж байгаа бөгөөд биеийн байдал хүнд 3, хүндэвтэр 22, хөнгөн 94 хүн байна. Иргэд гадуур явахгүй байх, амны хаалт зүүхийг хүсч байна гэв". 

Б.Батчимэг