Эрүүл мэндийн яамнаас ээлжит мэдээллээ хийлээ.

ХӨСҮТ-ийн Тандалт, судалгааны албаны дарга А.Амбасэлмаа “Энэ сарын 22-нд нийт 3011 хүнд шинжилгээ хийсэн. Дархан-Уул, Дорноговь, Орхон, Говьсүмбэр аймагт нэмж бүртгэгдээгүй. Харин нийслэлд шинээр 11 тохиолдол нэмэгдсэн. Эдгээр нь бидний хяналтандаа авсан батлагдсан тохиолдлуудын ойрын хавьтлаас илэрсэн.

Шинээр илэрсэн иргэдийн заримаас нь хоёр болон гурав дахь давтан шинжилгээнд илэрсэн.

Өнөөдрийн байдлаар хоёрдагч хавьтлаар 883 хүнийг тусгаарлаад 39 хүнийг гурав дахь, 68 хоёр дахь давтан шинжилгээндээ орсон байна. Хавьтлуудаа гадагш алдаагүй учраас хүн амынхаа дунд халдварыг алдаагүй.

Улсын хэмжээнд нийт 640 батлагдсан байгаагаас 340 эдгэрсэн. 28 хүн сувиллын ажиглалтад байгаа бол 213 хүний ажиглалт тандалтын хугацаа дууссан. 293 хүн Цэргийн төв эмнэлэг болон ХӨСҮТ-д эмчлүүлж байна. Үүнээс 48 хүний биеийн байдал хүндэвтэр байна.

Хавьтлыг илрүүлэх тандалт, судалгааны ажил үргэлжилнэ" гэлээ.

А.Сүх