УОК хуралдаж, гаргасан шийдвэрээ танилцууллаа.

Эрүүл мэндийн яамны Төрийн нарийн бичгийн дарга Я.Амаржаргал “Аймаг сум руу зорчих гэж байгаа иргэн халдвар хамгааллын дэглэмийг сайтар сахиж, хайртай хүмүүс рүүгээ халдвар авчочихгүй байхын тулд анхаарч хамтарч ажиллая.

Өнөөдрийн байдлаар орон нутаг руу 85 мянган иргэн буцах хүсэлт гаргаад байна. Эдгээр хүн бүрийн үүрэг хариуцлага, хамтын ажил шүү. Хот хооронд зорчих иргэдээс 20 цэгт шинжилгээ хийнэ. Шинжилгээг хэрхэн явуулах талаар удахгүй мэдээлнэ.

Халдвар гарснаас хойш нийт 119 мянган хүнд PCR-ийн шинжилгээ хийгээд байна. 712 батлагдсан тохиолдол бий. Улсын хэмжээнд дотроосоо батлагдсан тохиолдлыг бүгдийг баталгаажуулж байгаа. Баталгаажуулах аргыг гурван удаа 21 хугацаанд хийдэг.

Орон нутгийн хувьд заавал PCR шинжилгээ хий гэдэг шаардлага тавихгүй байгаа. Өөрсдийн байгаа боломжийн хүрээнд илрүүлэх шинжилгээ хийж иргэдийг зорчуулах үүрэг өгсөн.

Нэг хүний шинжилгээд ойролцоогоор 150 орчим мянган төгрөг зарцуулдаг. Төр засаг маань хэдий хэмжээний мөнгийг иргэдийнхээ тусын тулд зарцууулж байгаа вэ гэдгийг ойлгох ёстой. Халдвар хамгааллын дэглэмээ сахиулахын тулд 300 орчим сая төгрөг зарцуулах гэж байна. Энэ мөнгийг Эрүүл мэндийн яамны нөөцийн мөнгөнөөс гаргана” гэлээ.

Иргэд орон нутагтаа очоод 14 хоногийн дараа давтан шинжилгээнд орох аж. Орон нутаг руу зорчих иргэдийг үнэ төлбөргүй шинжилгээнд хамруулна.

А.Сүх