Нийслэлд өчигдөр “ковид19”-ийн зургаан тохиолдол илэрсэн ба тэд Хан-Уул дүүрэгт оршин суудаг нэг гэр бүлийнхэн байсан юм. Харамсалтай нь, батлагдсан тохиолдол нь “Энхсаран” сувилалд засварын ажил хийсэн иргэнээс үүдэлтэй ба түүний гэр бүлийнхнээс ийнхүү халдвар илэрчээ. Сувилалд барилга, засварын ажил хийсэн иргэн З нь Баянзүрх дүүргийн 14 дүгээр хороонд байрлах “Рапид Мэд” эмнэлгийн эмчтэй төрсөн өдөр тэмдэглэсэн зэрэг халдварын хоёр ч голомтод очоод амжжээ. Түүний гэр бүлийнх хүн нь мөн халдвар авсан ба Шүүхийн ерөнхий зөвлөлд үйлчлэгчээр ажилладаг байна. Тиймээс шүүхийн байрыг халдваргүйжүүлэх ажлыг яаралтай хийж, Шүүхийн ерөнхий зөвлөлийн 61 ажилтанг шинжилгээнд хамруулсан  ба бүгдийнх нь хариу сөрөг гарчээ.

У.Тэргэл