“Автобус-1” баазын жолоочоос халдварын сэжиг илэрч, арванхоёрдугаар сарын 1-нд түргэвчилсэн шинжилгээгээр эерэг хариу гарчээ.

Давтан шинжилгээгээр мөн батлагдсанаар өчигдөр оройноос тус баазад хөл хориог чангатгасан байна. Өнөөдрийн байдлаар тус баазад 500-600 хүн ажилладаг аж. Тухайн жолоочийн хувьд –Ханын материал-офицер” чиглэлд явдаг бөгөөд тэрбээр халдвар авснаа мэдэлгүй гурван  хоног шугаманд явжээ.

Мөн нэг өдөрт хоёр жолооч ээлжлэн ажилладаг байна. Энэ асуудлаар НОК өчигдөр орой шуурхай хуралдан, өнөө өглөөнөөс тус баазын ажилчдыг шинжилгээнд хамруулж эхлээд байна.  Өдөрт автобусаар ойролцоогоор 1000 орчим зорчигч үйлчлүүлдэг. Харин зорчигчдод эрсдэл үүссэн байхвий гэсэн болгоомжлол байна. Тэгвэл “Автобус-1- баазын дарга С.Батбаяр "Автобусанд суусан зорчигчдод хамаагүй шүү. Нэгдүгээрт, жолооч давхар хамгаалалттай бүхээгт сууж байгаа. Хоёрдугаарт, хөл хорио тогтоосонтой холбоотойгоор өгсөн үүрэг чиглэлийн дагуу рейс тутамд эцсийн буудал болон зорчигчдыг орох, гарах бүрт ариутгал, халдваргүйтгэл хийж байгаа” гэв.

У.Гэрэл