Тус цагдаагийн удирдах газраас  Баянзүрх дүүргийн 1 хороонд оршин суух иргэн Х нь гэрээсээ архи согтууруулах ундааны зүйл зарсан, тус хороонд 8х-3х УБА улсын дугаар тээврийн хэрэгслээр иргэн С нь дуудлагаар согтууруулах ундааны зүйл гар дээрээс зарж борлуулсан,  
Сүхбаатар дүүргийн 11-р хорооны нутаг дэвсгэрт Хангай хотхон орчимд 01 цагийн үед иргэн М нь цахим орчноор  “Соёрхол” нэрийн 0,5 литрийн архи 2 ширхэг, “Хар чингис” нэрийн 0,75 литрийн архи 1 ширхгийг худалдан борлуулж байсан,  14 дүгээр хорооны нутаг дэвсгэрт 7 буудлын автобусны буудал дээр иргэн Ц нь цахим орчинд дуудлагаар “Сархад alfa” нэрийн 0,75 литрийн архи 4 ширхгийг худалдан борлуулж байсан, Иргэн Б /эр.27н/ нь 99....... дугаараас Соёрхол 0.5 литр архи 2ш худалдан борлуулсан; 
Хан-Уул дүүргийн 15 хороо “Хурд” хорооллын 23-р байрны гадна иргэн П.Э ,Чингэлтэй дүүргийн 9 хороо Цагаан байрны орчим иргэн Н, Э нар нь  гар дээрээс зохих зөвшөөрөлгүй архи худалдан борлуулсан;
Чингэлтэй дүүргийн 18 дугаар хороо Авто засвар орчимд зам дагуу 2020.12.03-ны шөнө 23 цаг 20 минутын орчимд иргэн М нь гар дээрээс Соёрхол /0,33 л/ 2 ширхэг архи худалдан борлуулсан;
Налайх дүүргийн 8 дугаар хороо О нь  “Нийслэл” 2,5 литрийн хэмжээтэй пиво 11 ширхгийг худалдан борлуулсан зэрэг нийт 13 зөрчлийг илрүүлэн хуулийн дагуу хариуцлага тооцон ажиллаж байна.
Зөрчлийн тухай хуулиас 5.13.2
Гамшиг, аюулт үзэгдэл, халдварт өвчин, осол, аюулын үед эрх бүхий байгууллагаас тогтоосон хорио цээр, хөдөлгөөний хязгаарлалт, тэдгээрийн дэглэм зөрчсөн, эсхүл саад учруулсан нь эрүүгийн хариуцлага хүлээлгэхээргүй бол хүнийг 500 нэгжтэй тэнцэх хэмжээний төгрөгөөр торгох, эсхүл 7-30 хоногийн хугацаагаар баривчлах шийтгэл оногдуулах, хуулийн этгээдийг 5000 нэгжтэй тэнцэх хэмжээний төгрөгөөр торгоно.