ХХААХҮЯ-наас 2020 оны ургац хураалтын нэгдсэн дүнг танилцуулахад манай улс 522 мянган га-д үр тариа тариалснаас энэ намар 428.9 мянган тонныг хураан авчээ. Тухайлбал,
- 408.1 мянган тонн хүнсний улаан буудай
-240.5 мянган тонн төмс
-113.5 мянган тонн хүнсний ногоо
-21.2 мянган тонн тосны ургамал
-169.4 мянган тонн тэжээлийн ургамал тус тус хураан авчээ.
Ургац хураалтаас 215.6 мянган тонн улаан буудайг гурилын үйлдвэрүүдэд, 23 мянган тонн будааг Хөдөө аж ахуйг дэмжих санд гээд нийтдээ 238.6 мянган тонн хүнсний улаан буудайг нийлүүлжээ.
Манай улсын дотоодын гурилын хэрэгцээнд 306 мянган тонн улаан буудай шаардлагатайгаас энэ оны хувьд 68 мянган тонны дутагдалтай байгаа аж. Энэ жил дэлхий нийтийг хамарсан "COVID-19"-ийн цар тахал гарсантай холбоотойгоор дотоодын хүнсний хэрэгцээг бүрдүүлэх зорилгоор 82 мянган тонн хүнсний улаан буудайг нэмж бүрдүүлэхээр байна.
Энэ онд манай улс ургацын урьдчилсан балансаар дотоодын хэрэгцээгээ бүрэн хангах боломжтой байсан боловч зун, намар бороо ихтэй байж үргэлжлэн цас орсноор хугацаа ихээхэн алджээ. Мөн энэ жил гантай, бэлчээр муу байснаас тариаланчид улаан буудайгаа ногоон тэжээл болгон бэлтгэсэн ургацын балансад сөргөөр нөлөөлсөн аж.
