Архангай аймгаас ирсэн иргэн нас барсан гэх мэдээлэл өчигдөр гарсан билээ. Эх сурвалжийн хэлж буйгаар, тус аймгаас хувийн автомашинтайгаа ирсэн зургаан иргэн арванхоёрдугаар сарын 7-ны шөнө Эмээлтийн шалган нэвтрүүлэх товчоогоор нийслэл рүү нэвтрэх гэсэн ч бүгд PCR   шинжилгээ хийлгээгүй байжээ.

Тиймээс НОК-оос өглөө шинжилгээ авна гэж төлөвлөөд байсан аж. Иргэн О-гийн бие замдаа муу байсан ба нийслэлд ирэнгүүт нь түргэн дуудсан ч анхны тусламж авч чадалгүй нас барсан байна. Шалтгааныг тодруулахаар цагдаагийн байгууллага ажиллаж эхэлжээ.