Хуулийнхны бичлэг ар араасаа задарч, энэ нь ихээхэн шүүмжлэлийг дагуулаад байна. Эдгээр бичлэгт нэр, дүрс нь үлдсэн өмгөөлөгч Б.Баасанцогт “Өдрийн сонин”-д ярилцлага өгчээ. Тэрбээр хоёрдахь бичлэг задрахаас өмнө энэхүү ярилцлагыг өгсөн ба энэ үедээ юу ярив.
Өмгөөлөгч Б.Баасанцогт “Найзуудын жирийн уулзаж, ярьж хөөрч сууж байгаа үйл явдал шүү дээ. Амьдралын жаргал, зовлонгоо хувцаалцаж, он цагийг туулж яваа анд нөхдийн нэг оройны уулзалт. Гэтэл Монгол Улсад хүний эрх чөлөөг хууль хяналтынхан улан доороо гишгэлж, хэлмэгдүүлдэг болжээ. Бүр гэмт хэргийн бүлэглэл бий болчихсон байна, цаана чинь. Бидний сайхан харилцааг худал хуурмаг зүйл болгож, олон нийтэд буруу ойлголт төрүүлж байгаад маш их уур хүрч байна. Бас хүний хамгийн ариун нандин гэр бүлийн харилцаанд сэв суулгаж байгаад бүр ч их уур хүрч байгаа” хэмээн бухимдлаа илэрхийлжээ.
Мөн эмэгтэйчүүдийг амралтын өдрөөр Ковидын шинжилгээ авна гэж хуурч хаалгыг нь онгойлгуулаад хүч хэрэглэн Эрүүгийн Цагдаагийн байранд аваачиж, 10 гаруй цаг хоол ундгүй дарамталж, хүч хэрэглэж байцаалт авсан.
Тэднийг дарамталж айлгаж, машин дотор авч яваад “Чи тэгж хэл, ингэж хэл” гэж шахаж шаардан, гурван өөр өрөөнд суулгаж байгаад “Тэр чинь хэргээ хүлээчихлээ. Одоо чи хүлээ, тэгж ярь”, “Та нар биеэ үнэлсэн гэж хэл, мөнгө авсан гэж хэл” гэх мэтээр огт болоогүй зүйлийг болсон мэтээр ярь гэж дарамтлан хүчээр мэдүүлэг авсан тухай баримтыг ярилцлагадаа дурджээ.
Өмгөөлөгч Б.Баасанцогт энэ бүхнийг эрх барьж байгаа намын сайд, түүний мэдэлд байдаг ЦЕГ зохион байгуулалттай, тодорхой зорилготойгоор хийж буй ажиллагаа гэж харж байгаагаа ч нуусангүй. Мэдээж зорилгыг нь сонгууль угтсан улс төр гэлээ. Тэрбээр “Улс төр хийж, тоглож болно. Гэхдээ хүний амьдрал, алдар нэр, эрх чөлөөгөөр тоглож болохгүй. Золиос нь бидний хэдэн нөхөд болж байна” гэжээ.
У.Тэргэл
Сэтгэгдэл (19)