2021 оны хоёрдугаар сарын 20-ны өдөр цахим орчинд шүүгч, АТГ, ҮАБЗ-ийн ажилтнуудтай холбоотой бичлэгийг цацсан. Энэхүү бичлэгт Авлигатай тэмцэх газрын ажилтны нэрийг дурдаж дүрс, зургийг нь тавьсан асуудалд Авлигатай тэмцэх газрын Аюулгүй байдал, дотоод хяналт шалгалт хариуцсан нэгжээс ажилтан, комиссар П.Чулуунбаатарт холбогдуулан албаны шалгалтыг хийжээ.
Шалгалтын дүнг үндэслэн Авлигатай тэмцэх газрын Хяналт шалгалт, дүн шинжилгээний хэлтсийн Мэдүүлгийн бүрдүүлэлтийн албаны ажилтан, комиссар П.Чулуунбаатарыг 2021 оны хоёрдугаар сарын 24-ний өдрөөр тасалбар болгон үүрэгт ажлаас нь чөлөөлж, шийдвэрлэсэн байна. Харин П.Чулуунбаатар нь “Байгууллагынхаа албаны нэр хүндийг унагаж, олон нийтэд буруугаар ойлгогдох нөхцөл байдлыг бий болголоо, ёс зүйн хувьд цаашид ажиллах боломжгүй гэдгээ ухамсарлаж байна. Хамт олноосоо уучлалт хүсье” гэсэн байна.
АТГ ийнхүү ёс зүйгүй загнасан ажилтандаа хариуцлага тооцож, ажлаас нь чөлөөллөө. Харин Баянзүрх, Сүхбаатар, Чингэлтэй дүүргийн Эрүүгийн хэргийн шүүгч Х.Идэр, З.Болдбаатар нар ажил үүргээ хэвийн үргэлжлүүлж байна.
У.Тэргэл
Сэтгэгдэл (15)