Нийгэмд дуулиан тарьж, олон нийтийн анхаарлын төвд орсон, хэвлэл мэдээллээр мэдээлсэн ноцтой хэргүүдийг шалгах ажлын хэсгийг Улсын Ерөнхий прокурор Б.Жаргалсайханы тушаалаар байгуулсан билээ. Шүүгчдийн, ҮАБЗ, хил, гаалийнхан, албан тушаалын гэх 270 (давхардсан тоогоор) орчим гэмт хэргийн талаарх мэдээ, мэдээллээс мөрдөн байцаалтын шатанд яваа 20, хуулийн байгууллагын ажилтнууд холбогдсон 86 хэргийг өнөөдөр прокуророос хянаж байна.
Энэ удаад УЕПГ нээлттэй ажиллаж, дээрх хэргүүдтэй холбоотой өргөдөл, гомдлыг 24 цагаар хүлээн авч байгаа ба энэ дагуу 11 гомдол, хүсэлт ирүүлжээ. Мөн 10 иргэнтэй биечлэн уулзаж, санал хүсэлтийг нь сонссон байна.
Харин нийгэмд анхаарал татсан хэргийн тоонд тус прокурорын газрын орлогч прокурор Ц.Насанбатад холбоотой хэрэг зайлшгүй орно. Харин Улсын Ерөнхий прокурор орлогчдоо хэрэг үүсгэн, “Хонгил”-ын гэх шүүгчидтэй ашиг сонирхол нэг гэсэн мэдээллийг шалгаж, тогтоож чадах болов уу. Ам алдвал барьж болдоггүй гэдэгчлэн, өмгөөлөгч Б.Баасанцогт, шүүгч Х.Идэр, З.Болдбаатар, ҮАБЗ-ийн нарийн бичгийн дарга дарга А.Гансүх нарт холбогдох хэргийг шалгахад Ц.Насанбат прокурор холбогдож таарна.
Тэрбээр Б.Баасанцогт өмгөөлөгчтэй ойр дотно гэдгийг тэдний хамтдаа буй гэрэл зургуудаас харж болно. Тусгайлан ажлын хэсэг байгуулан нийгэмд анхаарал татсан хэргүүдийг шалгахаар болсныг иргэд талархалтай хүлээн авсан. Харин энэ бүхэн шоу, хэн нэгнийг нухчин дарах гэсэн башир арга бүү байгаасай. Тиймдээ ч ямар хэргийг шалгаж тогтоосон талаарх мэдээлллээ л ил тод болгоно гэдэгт найдъя.
У.Тэргэл
Сэтгэгдэл (6)