C.Баярцогт, Б.Бямбасайхан, Б.Ариунсан, Д.Ганболд, Б.Бадрал  нарын таван хүнд холбогдох хэргийг Улсын дээд шүүх  өнөөдөр хэлэлцэнэ. Хэргийг эргэн сануулбал, Чингэлтэй дүүргийн эрүүгийн хэргийн анхан шатны шүүхээс 2020 оны долоодугаар сард С.Баярцогтыг Монгол Улсын Засгийн газрын гишүүн, Оюутолгой ордыг ашиглах хөрөнгө оруулагчтай хэлэлцээ хийх ажлын хэсгийг ахалж ажиллахдаа албан тушаалын байдлаа урвуулсан хэмээн үзэн 10 жилийн  хорих ял оноосон билээ.

Мөн түүнээс дөрвөн тэрбум 10 сая,  гурван үл хөдлөх эд хөрөнгийг хураах шийдвэрийг шүүхээс гаргасан юм. Харин тэдний өмгөөлөгчид давж заалдсанаар Нийслэлийн эрүүгийн хэргийн давж заалдах шатны шүүхээс С.Баярцогтод оноосон 10 жилийн ялыг 4.8 жил, “Эрдэнэс Монгол” ХХК-ийн гүйцэтгэх захирал асан Б.Бямбасайхан, “Эрдэнэс Оюутолгой” ХХК-ийн гүйцэтгэх захирал асан Д.Ганболд нарт оноосон 4 жилийн ялыг нэг жил гурван сар болгон өөрчилсөн бол Татварын ерөнхий газрын дарга асан Б.Ариунсан, Татварын ерөнхий газрын Татварын удирдлага, хамтын ажиллагааны газрын даргга асан Б.Бадрал нарт оноосон  1.6 жил хорих ялыг  нэг жил болгон тус, тус бууруулсан юм.

У.Тэргэл