Улсын Дээд шүүхээс Үндсэн хуулийн Цэцийн гишүүнд нэр дэвшигчийн материалыг зургаадугаар сарын 4-ний өдрийн 11.00  цаг хүртэл хүлээж авсан. Дээрх хугацаанд Д.Зүмбэрэллхам, П.Одгэрэл, Д.Сүнжид, Ж.Эрхэсхулан нарын дөрвөн хуульч Үндсэн хуулийн Цэцийн гишүүнд нэрээ дэвшүүлж, санал хураалтад оролцохоор материалаа ирүүлсэн юм.

Энэ дагуу Монгол Улсын Дээд шүүхийн нийт шүүгчийн өнөөдрийн хуралдаанаар Үндсэн хуулийн Цэцийн гишүүний нэг орон тоонд нэр дэвшүүлэх болон “Ардын чуулган” нам үүсгэн байгуулсныг бүртгүүлэх тухай хүсэлтийг тус тус хэлэлцэнэ. Цэцийн нэг гишүүний оронд тоонд өрсөлдөж буй эрхмүүд,

Д.Зүмбэрэллхам- ОХУ-д Мөрдөн байцаагчийн дээд сургуулийг эрх зүйч мэргэжлээр төгссөн. МУИС-д Хууль зүйн ухааны докторын зэрэг хамгаалсан. Тэрбээр өмнө нь мөн нэрээ дэвшүүлж байсан юм.

П.Одгэрэл-МУИС-ийн Хууль зүйн сургуулийг эрх зүйч мэргэжлээр төгссөн. ХБНГУ-ын Байротын их сургуульд магистр, МУИС-д Хууль зүйн ухааны докторын зэрэг хамгаалсан МУИС-д Хууль зүйн ухааны докторын зэрэг хамгаалсан.

Д.Сүнжид- МУИС-ийн Хууль зүйн сургуулийг эрх зүйч, МУИС-ийн Олон улсын харилцааны дээд сургуулийг герман хэлний орчуулагч мэргэжлээр тус тус төгссөн. ХБНГУ-ын Мьюнхэн хотын Людвиг-Максимилианы Их сургуульд магистр, ХБНГУ-ын Мьюнхэн хотын Людвиг-Максимилианы Их сургуульд хууль зүйн ухааны докторын зэрэг хамгаалсан. Ж.Эрхэсхулан- МУИС-д Хууль зүйн ухааны докторын зэрэг хамгаалсан.

Эдгээр эрхмүүдээс Үндсэн хуулийн Цэцийн нэг гишүүн өнөөдөр тодорно.