Төрийн алба хаагчдын бусдаас авлига авч, албан тушаалаа урвуулан ашигласан байдал ар араасаа илчлэгдэж, сүүлийн үед хөл хөдөлгөөнтэй байна. Хамгийн сүүлд гэхэд ХӨСҮТ-ийн хоёр албан тушаалныг баривчлаад буй. Тодруулбал, ХӨСҮТ-ийн Хүний нөөцийн албаны дарга И.Орхоныг энэ сарын 25-ны шөнө гэрээс нь баривчилж, ШШГЕГ-ын Цагдан хорих 461-р ангид саатуулсан талаар бид өмнө нь мэдээлж байсан. Тэгвэл түүнийг үргэлжлүүлэн хорих саналыг прокурорын газраас хүргүүлжээ.

Түүнийг албан тушаалаа урвуулан ашиглаж 10 гаруй хүнээс хахууль авч, ХӨСҮТ-д ажилд оруулж өгсөн хэмээн саатуулсан гэх мэдээлэл байгаа юм. 

Түүний өмнө ХӨСҮТ-ийн Нэгдсэн лабораторийн албаны дарга С.Энхзаяаг баривчилсан. С.Энхзаяаг мөн л албан тушаалаа урвуулан ашигласан, бусдаас авлига авсан зэрэг шалтгаанаар баривчилж, цагдан хорих хугацаа нь дууссан учир суллажээ.

А.Сүх