Тээврийн цагдаагийн албаны Жижүүрийн шуурхай удирдлагын төвд нийт 669 дуудлага мэдээлэл хүлээн авснаас зам тээврийн ослын шинжтэй 547 дуудлага мэдээлэл бүртгэгдсэн.

Хүн гэмтсэн ослыг хэлбэрээр нь авч үзвэл:

Нийслэлд:

• Явган зорчигч мөргөх хэлбэрээр дөрвөн осол бүртгэгдэж,  таван хүн гэмтэж, нэг хүний амь хохирсон.
• Мөргөлдөх хэлбэрээр таван осол бүртгэгдэж, 11 хүн гэмтсэн

Орон нутагт:

• Онхолдох хэлбэрээр хоёр осол бүртгэгдэж, хоёр хүний амь хохирсон.
• Мөргөлдөх хэлбэрээр хоёр осол бүртгэгдэж, долоон хүн гэмтэж, таван хүний амь хохирсон.
• Автомашин мөргөх хэлбэрээр нэг осол бүртгэгдэж, нэг хүн гэмтсэн
• Автомашинд дайруулах хэлбэрээр нэг осол бүртгэгдэж, нэг хүүхдийн амь нас хохирсон.

Гудамж замд зохион байгуулсан хяналт, шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон 197 зөрчил бүртгэгдсэний нийслэлд 138, орон нутагт 59  зөрчлийг тус тус илрүүлж, учирч болох эрсдэлээс урьдчилан сэргийлэн ажилласан.

Орон нутгийн замд хөдөлгөөнд оролцохдоо тээврийн хэрэгслийн техникийн бүрэн бүтэн байдлыг ханган замын нөхцөл байдалд хурдаа зөв тохируулан явахыг зөвлөмж байна.

Согтууруулах ундааны төрлийн зүйл хэрэглэсэн, жолоодох эрхгүй үедээ тээврийн хэрэгсэл жолоодохгүй байхыг цагдаагийн байгууллагаас анхааруулж байна.

Сурагчийн амралт эхэлсэнтэй холбогдуулан эцэг эх асран хамгаалагч нар бага насны хүүхдийг хараа хяналттай гудамж замын хөдөлгөөнд оролцохдоо гараас нь хөтлөн явах, тээврийн хэрэгсэлд аюулгүй тээвэрлэх, аюулгүй байдлыг хангасан газар тоглуулахыг зөвлөмж байна.

Жич: Амралтын өдрүүдэд 3-14 насны 7 хүүхэд гэмтэж бэртсэн байна. Эцэг, эхчүүд та бүхэн хүүхдийг автомашинд тээвэрлэх үедээ зориулалтын суудалд суулгах, суудлын бүс хэрэглэж хэвшүүлэх шаардлагатай байна.

ТЭЭВРИЙН ЦАГДААГИЙН АЛБА