Хүнд гэмт хэргийн талаар 2021 оны нөхцөл байдал, сүүлийн үед үйлдэгдсэн хүнд гэмт хэргийн талаар ЭЦА-ны Хүнд гэмт хэрэгтэй тэмцэх хэлтсийн чиглэлийн ахлах мөрдөгч, Цагдаагийн хошууч Н.Золбоо танилцууллаа.

Тэрбээр “2021 онд улсын хэмжээнд хүнд гэмт хэрэг 20,5 хувиар буурч, илрүүлэлт 4,9 хувиар өссөн үзүүлэлттэй байна. Хүнд гэмт хэрэгт хүн амины хэрэг, хүчингийн хэрэг, дээрмийн хэрэг ордог. Тус хэлтсээс  дээрх гурван хэргийг хариуцаж ажилладаг. Улсын хэмжээнд хүнийг алах гэмт хэрэг 178 бүртгэгдсэн.  Энэ нь өмнөх оны мөн үеэс 12 хэргээр буурсан үзүүлэлттэй байна. Илрүүлэлт 100 хувь байгаа. Харин хүчингийн гэмт хэрэг 2021 онд 409 бүртгэгдэж, өмнөх оны мөн үеэсээ 22 хэргээр өссөн. Илрүүлэлт нь 51,9 хувь  буюу 1,9 хувиар өссөн байна. Дээрэмдэх гэмт хэрэг 2021 онд 342 үйлдэгдэж, өмнөх оны  мөн үеэс 62 хэргээр буурсан эерэг үзүүлэлттэй байна. Илрүүлэлт нь 58,3 хувь буюу 4,8 хувиар өссөн үзүүлэлттэй байна.            

2022 оны нэгдүгээр сарын 3-ны өдөр үйлдэгдсэн дээрмийн гэмт хэрэг үйлдэгдсэн. Цагдаагийн байгууллага дээрх гэмт хэргийг үйлдсэн байж болзошгүй дөрвөн этгээдийг саатуулан шалгаж байна. Хэргийн газраас алдагдсан 1,1 орчим тэрбум төгрөгөөс 848 сая төгрөгийг хөдөлмөрийн баримтаар хураан авч, шалгалтын ажиллагааг үргэлжлүүлэн явуулж байна” гэлээ. Мөн Ард иргэдийг биедээ их хэмжээний бэлэн мөнгө хураан авахгүй байх, хараа хяналтгүй хамгаалалтгүй газар их хэмжээний мөнгө хадгалахгүй байхыг Цагдаагийн байгууллагаас анхаарууллаа.

Д.Батчулуун