"Капитал банк" ХХК дахь банкны эрх хүлээн авагчийн өнгөрсөн гурван жилийн хугацаанд хийж хэрэгжүүлсэн ажлын талаар  Банкны эрх хүлээн авагч Т.Дэлгэрхүү мэдээллээ. Тэрбээр “Капитал банк төлбөрийн чадамжгүй болж татан буугдсан. Энэ үйл ажиллагаанд банкан дахь мөнгөн хадгаламжийн даатгалын тухай хуулийг амжилттай хэрэгжүүлсэн. Үүнд 20 сая хүртэлх төгрөгийн өр барагдуулалтын хувьд 352,135 харилцагчид 44.5 тэрбум төгрөгийг барагдуулсан. Мөн даатгагдаагүй буюу бусад хадгаламж эзэмшигчдийн хохирлыг барагдуулаад байна. Өнөөдрийн байдлаар 353,134 харилцагчийн 238.8 тэрбум төгрөгийн өр төлбөр, иргэн хуулийн этгээдийн харилцах хадгаламжийн 99.9 хувийнх нь хохирлыг бүрэн барагдуулсан. Үүнээс  Эрүүл мэндийн даатгал, нийгмийн даатгалын сангийн өр төлбөрөөс нийт 78 тэрбум төгрөгийг барагдуулаад байна” гэв.

Т.Дэлгэрхүү: Банкны эрх хүлээн авагч томилогдоход нийт 203.1 тэрбум хөрөнгийг бүртгэлийн дүнтэй байсан бөгөөд банкны хөрөнгийн үнэлгээг хөндлөнгийн байгууллагаар хоёр удаа шалгуулсан