Нийслэлийн мэргэжлийн хяналтын газраас дэд бүтцийн бүтээн байгуулалтын ажил эхэлж байгаатай холбогдуулан мэдээлэл хийлээ. Энэ үеэр НМХГ–ын Дэд бүтцийн хяналтын хэлтсийн дарга Н.Гантулга мэдээлэл өглөө. Тэрбээр “Он гарснаас хойш  зургаан осол гарсны тав нь хөдөлмөрийн аюулгүй байдалтай холбоотой. Нийслэлийн мэргэжлийн хяналтын байгууллагаас өргөх байгууламж хариуцсан тусгай зөвшөөрлийн байгууллагад хүргүүлсэн. Нийт 2800 гаруй липт эзэмшигч байгууллагуудад мэдэгдэл хүргэсэн. Мөн 260 ААН-д хөдөлмөрийн аюулгүй байдлыг хангах чиглэлд зөвлөмж мэдээлэл өгсөн. Үүнд угсралтын ажил гүйцэтгэж байсан 16, гадна засал буюу орчны тохижолтын ажил гүйцэтгэж байсан 36, дотор засалын ажил гүйцэтгэж байсан 90 барилга байгууламжийн захиалагч гүйцэтгэгч нарт хөдөлмөрийн аюулгүй байдлын чиглэлээр зөлөмж, үйлчилгээг хүргүүлсэн. Мөн энэ оны гурван сарын байдлаар 8600 гомдол мэдээлэл ирсэн. Үүний 132 нь барилга байгууламжтай холбоотой. Үүнд, дулаан алдагдал 31 гомдол, хуванцар рам буюу цонхны цанталттай холбоотой 288 гомдол, барилгын хийц өөрчилсөн 37 гомдол, өвлийн улиралд барилгын ажил явуулсан 5 гомдол мэдээлэл ирснийг шалгаж үзээд, 53 сая төгрөгийн торгууль ногдуулсан.

Мөн Улаанбаатар хотын өнгө үзэмжид сөргөөр нөлөөлж буй, долоон сараас дээш барилгын үйл ажиллагаа нь зогссон барилга байгууламжийг хамгаалалтын горимд шилжүүлэхийг мэдэгдэл хүргүүлсэн. Нийт 54 барилга байгууламжид ийм сануулга өглөө. Түүнчлэн орц, гарц хаасан тухай 12 гомдол ирсний дагуу тухайн дүүрэг, хорооны Засаг даргад зөвлөмж мэдэгдлийг хүргүүлсэн. Үүнээс гадна 1227 айл өрх үерийн эрсдэлтэй бүсэд суурьшиж байна" гэв. 

Д.Батчулуун