Өнөөдөр Засгийн газрын ээлжит бус хуралдаан болж Шударга өрсөлдөөн, хэрэглэгчийн төлөө газрын даргаар С.Мөнхчулууныг томиллоо.

Уншигч та бүхэнд ШӨХТГ-ын шинэ дарга С.Мөнхчулууныг танилцуулбал, тэрбээр өнгөрсөн 2019 онд Нийслэлийн засаг даргын сонгуульд өөрийн нэрийг дэвшүүлж байсан удаатай. Түүний сонгуульт ажлаас дурьдвал, 2008-2009 онд СХД-ийн МАХН-ын хорооны дэд дарга, 2016 онд МАН-аас нэр дэвшиж НИТХ-д төлөөлөгчөөр сонгогдсон. Мөн 2016 онд НИТХ-ын Хууль зүй, төрийн байгуулалтын хорооны дарга, МАН ын Бага хурлын гишүүн, Нийслэлийн МАН-ын хорооны дэд дарга, Нийслэлийн Намын хорооны гишүүн, 2016 оны 12 сараас 2018 оны 12 сар хүртэл НИТХ дах МАН-ын бүлгийн даргаар ажиллажээ. Түүний ажилласан байдал:

2009-2010 онд Нийслэлийн Өмчийн харилцааны газар, Бүртгэлийн мэргэжилтэн,

2010-2012 онд Нийслэлийн Өмчийн харилцааны газар, Төр, хувийн хэвшлийн түншлэл, концессын хэлтсийн дарга,

2012-2016 онд Сонгинохайрхан дүүргийн Засаг даргын Тамгын газрын даргаар ажиллаж байжээ.

 Т.Мөнхжаргал