2022 оны эхний дөрвөн сарын байдлаар хүүхэдтэй холбоотой нөхцөл байдал болон сурагчдын амралт эхэлж байгаатай  холбогдуулан урьдчилсан сэргийлэх мэдээлэл өглөө.

Мэдээлэлдээ "2022 оны эхний дөрвөн сарын байдлаар нийт 14150 гэмт хэрэг бүтэгдсэн. Үүнээс насанд хүрээгүй иргэний үйлдсэн гэмт хэрэг 480 гэмт хэрэг бүртгэгдсэн. Хүүхдүүдээс үйлдэгдэж байгаа гэмт хэргийн тухайд хулгайлах, залилах, бусдын бие махбодод гэмтэл учруулах зэргээр холбогдсон байгаа. Энэ 480 гэмт хэрэг дээр 720 хүүхэд хохирсон, үүнээс 235 хүүхэд гэмтсэн. Удахгүй сурагчдын амралт эхэлж байна. Сурагчдын амралт эхэлж, урин дулаан цаг ирсэнтэй холбоотой амралт, зугаалгад явах нь ихэсдэг. Энэ үеэр бага насны хүүхдийг эцэг эхийн хараа хяналтгүй байлгаснаар ахуйн осол гэмтэлд өртөх тохиолдол их байдаг. Цагдаагийн байгууллагад ахуйн осолд өртсөн дуудлага мэдээлэл мах их ирж байна. Насны байдлаар авч үзэхэд долоо хүртэлх насны хүүхдүүд их өртөж байна. Тиймээс бага насны хүүхдээсээ хараа хяналтаа салгахгүй байх дээр анхаарах хэрэгтэй байна.   

Мөн маргааш буюу зургаадугаар сарын 1-ны өдөр хүүхдийн эрхийг хамгаалах өдрийг тохиолдуулан Цагдаагийн байгууллагаас  хүүхэд багачууддаа зориулан “Хүүхэд таныг хамгаалъя” арга хэмжээг зохион байгуулна. Нээлттэй өдөрлөгийн арга хэмжээг  Төв цэнгэлдэх хүрээлэнд 11 цагаас зохион байгуулах юм. Өдөрлөгт цагдаагийн албаны эрэлч нохой, Онцгой байдлын албанаас шүхрээр буух, тусгай ажиллагааны газрын үзүүлбэрүүд үзүүлнэ. Мөн хүүхэд багачуудын дунд долоон төрлийн уралдаан тэмцээнийг зохион байгуулахаар бэлэн болсон байна. Тиймээс та бүхэн хүүхэд багачуудаа дагуулан ирж, нээлттэй өдөрлөгт өргөнөөр оролцохыг уриалж байна" гэв. 

Д.Батчулуун