Эрүүгийн цагдаагийн албанаас Эмээлт дэх махны үйлдвэртэй холбоотой асуудлаар хийсэн хяналт шалгалттай холбоотой мэдээллийг өгч байна.

Махны асуудал гарсантай зэрэгцэж МХЕГ-аас уг асуудал дээр зөрчлийн хэрэг нээж шалгаж байсан. Шинжилгээгээр формалин хэмээн химийн бодис зөвшөөрөгдсөн хэмжээнээс хэд дахин их байсан тул гэмт хэргийн шинжтэй гэж үзэн Улсын ерөнхий прокурорт шилжүүлж, улмаар Эрүүгийн цагдаагийн албаны харьяанд шилжүүлсэн.

"Эм Ди Си Пи" ХХК-ийн хувьд БНХАУ-ын иргэний харьяат компани бөгөөд мах экспортлох эрхгүй байсан нь тогтоодсон. Мөрдөн шалгах явцад тус компанийн байгууламжаас дулааны аргааг боловсруулсан "ХКҮ" ХХК-ийн хаяг шошго бүхий 4842 хайрцаг буюу 96 тонн мах илэрсэнийг битүүмжлээд байсан. Хэрэг бүртгэл нээсэн тул дээрх маханд шалгалт явуулж битүүмжилсэн. Өчигдөр Эрүүгийн цагдаагийн албанаас "Мах импекс" ХХК-ийн хашаан дотор байрлах "ХКҮ" ХХК-ийн үйлдвэрийн байранд прокурорын зөвшөөрөлтэй нэгжлэг хийсэн. 

Тиймээс "Мах импекс" ХХК-г шалгасан зүйл байхгүй. Мөрдөн шалгах ажиллагаа мах экспортлох зөвшөөрөлгүй компани хууль бусаар мах бэлтгэн гаргасан уу? гэдэг дээр үргэлжилнэ.

Т.Мөнхжаргал