Говь-Алтай аймгийн засаг дарга О.Амгаланбаатар авто осол гаргасан эсэх, сая төгрөгөөр ланд 570 хувьчилсан эсэх талаараа тайлбар өгч байна.

Тэрбээр "Миний бие Авлигатай тэмцэх газар өөрийгөө шалгуулах гэж байна. Авлигын тухай хууль, эрүүгийн тухай хуулийн дагуу захирамж, тушаал, шийдвэрүүдээ шалгуулах хүсэлт гаргаж байна. Сүүлийн зургаан сарын хугацаанд нэр бүхий улс төрчдийн захиалга, хэвлэл мэдээллийнхэнд мөнгө төгрөг өгч, элдэв бүх зүйлээр гүтгэж, зохион байгуулалттайгаар харлуулах үйл ажиллагаа явуулж байна.

Тиймээс Говь-алтай аймгийн засаг даргаар хоёр удаа сонгогдож, ажилласан бүх хугацаанд гаргасан тушаал шийдвэр, зарцуулсан мөнгө, шийдвэр гаргаж олгосон мөнгө зэрэг өөрт хамааралтай бүх зүйлийг Авлигатай тэмцэх газар өгөх гэж байна. Энэ нь Монгол улсад жишиг болог. Төрд ажиллаж байгаа бүх хүн өөрийн хүсэлтээр Авлигатай тэмцэх газар шалгуулдаг шинэ жишгийг тогтоож байна. Шударга ажиллаж байгаагаа нотолж өөрсдөө шалгуулдаг байх хэрэгтэй. Төрд ажиллаж байгаа хүн үнэн байж, ил байг хэмээн шалгуулж байна. Говь-Алтай аймгийн төсвийг үнэгүйдүүлж байна, өөрийн хамаарал бүхий этгээдүүдэд газар олгосон, автомашин хувьчилсан зэрэг надад огт хамааралгүй зүйлийг ярьж байгаа нь хэрээс хэтэрлээ.

Тиймээс шалгуулж байна. Хэвлэл мэдээллийнхэн нэг мэдээг хуулж тавиад хүнийг ингэж гүтгэж болохгүй. Үүнийг шүүхийн шийдвэр, хуулиар шийддэг юм. Түүнээс биш хэн нэгнийг хэвлэлээр ялладаггүй юм” гэв.

Д.Батчулуун