Шүүхийн тухай хуулийн дагуу Шүүхийн ерөнхий зөвлөлийн бүрэлдэхүүн шинээр томилогдсоноос хойш анхны шүүгчийн сонгон шалгаруулалтыг амжилттай зохион байгууллаа. 2022 оны дөрөвдүгээр сарын 8-ны өдөр 21 сул орон тоо зарлаж, хуулийн дагуу шат дараатайгаар хуульчдыг сонгон шалгаруулж, 17 нэр дэвшигчийг шүүгчээр томилуулах саналаа Монгол Улсын Ерөнхийлөгчид өргөн барьсан юм.

Үүнээс хяналтын шатны шүүхийн шүүгчээр хоёр, давж заалдах шатны шүүхийн шүүгчээр долоо, анхан шатны шүүхийн шүүгчээр мөн долоо нийт 16 шүүгч долоодугаар сарын наймны өдөр томилогдож, дор бүрнээ ажлаа хүлээн аваад байна. Дээрх хуульчдыг шүүгчээр томилсон Монгол Улсын Ерөнхийлөгчийн зарлигийг бүрэн эхээр нь танилцуулж байна.

- Улсын дээд шүүхийн шүүгчээр Д.Батбаатар, Н.Баярмаа нарыг

- Булган аймгийн Эрүү, иргэний хэргийн давж заалдах шатны шүүхийн шүүгчээр Д.Азжаргал, Л.Ариунцэцэг,  

- Хэнтий аймгийн Эрүү, иргэний хэргийн давж заалдах шатны шүүхийн шүүгчээр Д.Ганзориг,

- Дархан-Уул аймгийн иргэний хэргийн давж заалдах шатны шүүгчээр Я.Туул,

- Нийслэлийн иргэний хэргийн давж заалдах шатны шүүгчээр М.Баясгалан, Ц.Алтанцэцэг,

- Захиргааны хэргийн давж заалдах шатны шүүхийн шүүгчээр О.Оюунгэрэл,

- Нийслэл дэх Захиргааны хэргийн анхан шатны шүүхийн шүүгчээр А.Мөнх-Өлзий,

- Сүхбаатар дүүргийн иргэний хэргийн анхан шатны шүүхийн шүүгчээр Б.Билгүүн, Д.Батхуяг, Ц.Амармэнд

- Чингэлтэй дүүргийн Эрүүгийн хэргийн анхан шатны шүүгчээр Д.Сувд-Эрдэнэ,

- Баянгол дүүргийн Эрүүгийн хэргийн анхан шатны шүүхийн шүүгчээр Н.Нямдаваа,

- Чингэлтэй дүүргийн Иргэний хэргийн анхан шатны шүүхийн шүүгчээр У.Сайнбилэг нарыг томилжээ.