"Гэр бүлийн тухай хууль"-ийн шинэчилсэн найруулгыг батлахыг шаардаж, УИХ-ын эмэгтэй гишүүдэд шаардлага хүргүүлж байна. 

Өрх толгойлсон эцэг, эхчүүдийн зүгээс дараах мэдээллийг өгч байна. Тэд "Монгол Улсын хэмжээнд 80 мянган өрх толгойлсон ээж, 20 мянган өрх толгойлсон аавууд байна. Энэ бол нийгмийн эмзэг сэдэв. Гэр бүлийн тухай хуулийг 11 жил гацаасан УИХ-ын гишүүд яаралтай хуулиа шийдэж өгөөч ээ. Эцэг, эхчүүдийн зүгээс зургаан шаардлага хүргүүлж байгаа.

Эрхэм хүндэт Ерөнхийлөгч, Ерөнхий сайд, УИХ-ын дарга, эмэгтэй гишүүд ээ, та бүхэн хөрсөн дээрх амьдралаа нэг эргэж хараад бидэнд жоохон ч гэсэн тус болооч. Ажил хөдөлмөр эрхэлмээр байна. Гэтэл ЕБС нь хүүхдүүдийг багшаас эцэг эхийн гарт гэж заасан. Гурвалсан гэрээ байгуулсан.

Бид ажид хөдөлмөр хийж нийгэмдээ оролцмоор байна, сая төгрөгийн цалин авч үзмээр байна. Өрх толгойлсон эмэгтэйчүүдэд улиралд нэг удаа өгдөг 420 мянган төгрөөр амьдрахад маш хүнд байна. А.Ариунзаяа сайд аа, та зуслангийн асуудал шийдэхээсээ түрүүлээд хөрсөн дээрээ ажиллаад өгөөч. Хорооноос хороо, сумаас суманд байгаа өрх толгойлсон ээжүүдийн эрхэнд ач холбогдол өгөөч" гэв.

Т.Мөнхжаргал