Улсын Ерөнхий Прокурорын газраас мэдээлэл хийж байна. Энэ үеэр Ял эдлүүлэх ажиллагаанд хяналт тавих хэлтсийн ахлах прокурор У.Золжаргал мэдээлэл өглөө.

Тэрбээр “Прокурорын байгууллага тогтмол хяналт шалгалтын ажиллагааг хийдэг. Жилийн эцсийн байдлаар нийтдээ 109 ялтан хоригдол этгээдийн зөрчилтэй эрхийг сэргээсэн. Тухайлбал 22 эрх бүхий албан тушаалтны шийдвэрт заасан хугацаа хэтэрсэн байхад цагдан хорисныг илрүүлж сулалсан, 13 хүний битүүмжилсэн данс 44 хүний Монгол улсын хилээр нэвтрэх эрхийг түдгэлзүүлсэн байсныг тухайн хяналт шалгалтын явцад шийдвэр гүйцэтгэх хугацаа нь дуусгавар болсон байхад данс барих, хилээр нэвтрэх эрхийг хязгаарласан байсныг илрүүлэн цуцлуулах арга хэмжээ авч ажилласан.

Хорихоос өөр ял шийтгүүлсэн хүмүүс холбогдох хууль тогтоомжинд заасан ялыг эдлээгүй тохиолдолд зөрчил гаргасан нөхцлүүдэд прокурорын газраас ялыг солиулах арга хэмжээ авч байна. 2022 жилийн эцсийн байдлаар 461 хүний хорихоос өөр ял шийтгэлийг хорих ялаар  солиулах дүгнэлт үйлдэн шүүхээр шийдвэрлүүлсэн.

Мөн Прокурорын байгууллага олон улсын гэрээ эрүүгийн хэрэг хянан шийдвэрлэх тухай хуульд зааснаар  гадаад улсад ял эдлэж байгаа Монгол улсын иргэдийг  эх оронд авчирж үлдсэн ялыг нь эдлүүлэх тухай заасан байдаг. Үүнийг олон улсын гэрээнд заасны дагуу хийж хэрэгжүүллэг. Бид хагас жилээр гурван хүнийг авчирсан тоо мэдээлэлтэй байсан бол сүүлийн хагас жилд нэг иргэнээ монгол улсад шилжүүлэн авах энэ үйл ажиллагааг зохион байгуулж жилийн эцсийн  байдлаар дөрвөн иргэнийг авчрах ажиллагааг хийж шүүхийн шийдвэрийг гарган холбогдох хүмүүст хүргүүлээд байна”гэв.

Б.Мичидмаа