“Цемент шохой” ТӨХК-ийн гүйцэтгэх захирал Л.Наранбаатарыг Авлигатай тэмцэх газраас албан тушаалын эрх мэдлээ урвуулан ашигласан хэмээн шалгаж эхэлжээ.

Түүний шийдвэрээр, Орон нутгийн хайрхан, бумбаны тахилгад зориулж 183,5 сая төгрөг зарцуулсан, спортын холбоо, урлагийн баяр наадам зэрэгт 119 сая төгрөгийг хандив тусламж болгож өгсөн, 816,9 сая төгрөгийн бараа материалын илүүдэл нөөц бэлтгэсэн зэрэг зөрчлийг Үндэсний аудитын газраас шалгаж илрүүлээд байгаа.

Түүгээр зогсохгүй,  нээлттэй тендер зарлахаар баталсан боловч 11, 7  тэрбум төгрөгийн 9 удаагийн худалдан авалтыг шууд гэрээ байгуулсан, зөвхөн өмгөөллийн зөвлөх үйлчилгээнд 250 сая төгрөгийн шууд гэрээ байгуулсан зэрэг асуудлаар санхүүгийн тайлангийн аудитын дүгнэлтийг үндэслэн АТГ-аас шалгаж байгаа аж.
 

Манай сайтын зүгээс тус компанийн 2022 оны санхүүгийн тайланд хийсэн аудитын дүгнэлтийг бүрэн эхээр нь хүргэж байна.