Хөгжлийн банкны хэргийн гэм буруугийн шүүх хурал 39 дэх өдрөө үргэлжилж байна. Энэ үеэр УИХ-ын гишүүн Н.Алтанхуягийн өмгөөлөгчийн дүгнэлтийг хүргэж байна. 

Тэрбээр "Прокурорууд яллах дүгнэлтдээ өөрчлөлт оруулсан 18 дугаар тогтоолд Эрүүгийн хууль батлагдсан өдрөөс эхлээд хэрэгжиж эхэлсэн үед Н.Алтанхуяг, Батбаяр, Шинэбаатар нарт холбогдох гэмт хэрэг нь 2015 оны эрүүгийн хууль хэрэгжиж эхэлсний дараа төгссөн тул хууль зүйн дүгнэлт өгөх шаардлаггүй буюу 2015 оны хуулийн хэрэглэнэ. Прокурорт дүгнэх эрх олгоогүй тул хуулиа барих хэрэгтэй байгаа юм. 

Хоёрдугаарт, Н.Алтанхуягийг нийтийн албан тушаалтан гэж үзсэн. 2002 оны хуульд төрийн албан тушаалтан гэж тодорхойлсон байдаг. Хэдийгээр нэр томьёоны асуудал мэт боловч хоёр хуулийн хувьд эрх зүйн өөр өөр үр дагавар үүсгэдэг. 

Гуравдугаарт, Н.Алтанхуяг нараас өгсөн үүрэг гэж ямар ч нотлох баримтгүй зүйл бичсэн байгаа. Үүнийг няцааж тайлбарласан байдаг. 

Дөрөвдүгээрт, 2014 оны хоёрдугаар сарын 10-ны өдөр зээлийн гэрээ байгуулан зээл авсан байдаг. Улмаар 2015 оны арваннэгдүгээр сарын 16-ны өдөр тухайн зээлийг Засгийн газрын тогтоолоор төсөвт суулгуулсан үеэр үргэлжилж гэмт хэрэг эс үйлдэх нь шалгагдсан үеэр таслан зогсоогдсон. Хэрэг бүртгэлтийн хэрэг нээгдснээр төгссөн. Тухайн үед заасан хуулийг хэрэглэ хэмээн заасан учир гэмт хэрэг төгссөн гэдэг ойлголт байхгүй. 2019-2020 онд төсөвт суулгуулсан үеэр үргэлжилсэн гэж үзэж байна. Үргэлжилж буй юм бол энэ үеийн субъект гэж байх ёстой. Хэрэг бүртгэлд хэрэг нээхээс хөөн хэлэлцэх хугацаа хамаарахгүй гэж хууль буруу хэрэглэж байгаа. 2022 оны дөрөвдүгээр сарын 22-ны өдөр яллагдагчаар татахдаа 3.7.1-д зааснаар бүлэглэгч гэж тодорхойлсон. Дараа нь өөрчилж оруулж ирэхдээ 3.3.1 зохион байгуулагч болгосон. Шүүх хурлын үед буцаагаар 3.7.1 болгосон. Хууль зүйн талын тайлбарыг орхие. 

Дараа нь, Н.Алтанхуяг өөрөө засгийн газартаа ороод хаууль бус шийдвэр гаргуулаад, Хөгжлийн банкны бүх албан тушаатанд очоод нөлөөлсөн гэх зүйл гаргасан. Ямар ч тийм нөлөөлсөн баримт байхгүй. 

Мөн мөрдөн шалгах ажиллагааны явцад гарсан алдаа юу вэ гэвэл гишүүнийг дуудаж, шинжээчийн дүгнэлтүүдтэй танилцуулсан. Шинжээчийн дүгнэлттэй танилцуулах тогтоолтой танилцуулсан. Дүгнэлт нь гарсан хойно тогтоолтой танилцуулж, гарын үсэг зуруулсан. Прокурорууд прокурорын тухай хуулиа зөрчиж байна. 

Бодит байдалд үр дүнгээ 100 хувь өгч, эдийн засагт өндөр хувь нэмэр үзүүсэн шийдвэрийг буруутгах ямар ч үндэслэл байхгүй" гэв. 

Д.Батчулуун