МАХН-ын дарга Н.Энхбаярын гэрт өнгөрсөн долоо хоногт нэгжлэг хийж, эд хөрөнгийг нь битүүмжилсэн талаар манай сайт тухай бүрт нь олон нийтэд мэдээлсэн. Мөн Н.Энхбаярын ажлын байрыг ч АТГ-аас тэр өдөр нэгжсэн юм. Чухам энэхүү нэгжлэг, эд хөрөнгийг битүүмжилсэн явдлыг хүн бүр янз бүрээр тайлбарлаж, таамаг дэвшүүлээд байгаа. Тухайлбал, зарим хүмүүс Т.Билэгтийн мэдүүлгээс үүдэлтэй ийнхүү нэгжиж байна гэж үзсэн бол нөгөө хэсэг нь Н.Энхбаярын улсад учруулсан хохирлыг барагдуулах зорилготой гэх мэтээр ярилцаж байв. Харин албаны эх сурвалжууд Н.Энхбаярынхыг нэгжих болсон нь Т.Билэгтийн мэдүүлэгтээ ямар ч холбоогүй гэж байгаа. Экс Ерөнхийлөгч Н.Энхбаяр гурван шатны шүүхээс 2.6 жилийн хорих ял сонсон бөгөөд өдгөө биеийн байдал муу байгаагаас Сайд нарын хоёрдугаар эмнэлэгт хэвтэн өнгөрүүлж буй юм. ШШГЕГ-ын эмч нар Н.Энхбаярын биеийн байдал муу, эрүүл мэндийн шалтгаанаар хоригдох боломжгүй гэсэн ч Шүүх эмнэлгийн дүгнэлт одоо болтол гараагүй байна. Уг нь энэ сарын 22-нд буюу өчигдөр Шүүх эмнэлгийн дүгнэлт гарах эцсийн өдөр байсан ч одоогоор албаныхан энэ талаар мэдээлэл хийгээгүй байгаа юм.
Д.Ундрах /24tsag.mn/
Сэтгэгдэл (10)