МАХН-ын дарга Н.Энхбаяр саяхан ялаас чөлөөлөгдөж, хэвтэн эмчлүүлж байсан II-р эмнэлэгээсээ гарсан билээ. Түүнийг эмнэлэгээс гарах үед намынх нь  гишүүд дэмжигчид баярлаж, нулимс мэлмэрүүлэн гадаа нь хүлээн авч уулзсан. Мөн улс төрийн нөлөө бүхий гишүүд ч түүнийг гэрт нь эргэж очин эрүүл мэндийнх байдлыг асуусан гэдэг. Тэгвэл Н.Энхбаяртай нэгэн цагт ойр дотно холбоотой байсан дэд сайд О.Чулуунбат одоо болтол даргатайгаа уулзаагүй гэнэ. Эх сурвалжийн мэдээлж буйгаар Н.Энхбаяр “О.Чулуунбаттай уулзах шаардлага байхгүй. Хэрэг гарвал дуудна” гэж хэлэн уулзахаас татгалзсан байна.

 О.Чулуунбат ч үүнийгээ баталж “Би МАХН-ын дарга Н.Энхбаяртай уулзаагүй. МАХН-ын дарга Н.Энхбаярыг сулласнаар харин ч нийгэмд олон тустай зүйлийг хийх болов уу гэж харж байгаа. Асар өндөр боловсролтой, Монгол Улсын Ерөнхийлөгч, УИХ-ын дарга, Ерөн¬хий сайд явсан хүн улс орноо хямрааж, нийгмээ хурцатгахыг хүсэхгүй байх. Би тэгж бодож байна. Энэ хүний тухай сайн, муугаар хангалттай дуудлаа. Одоо, энэ хүнд тайван амьдрах боломжийг олгох хэрэгтэй шүү дээ” гэж ярьжээ. .