УИХ-ын ээлжит бус чуулган ирэх сарын 16-нд хуралдаж магадгүй гэж Ерөнхий сайд хэллээ. Энэ удаагийн ээлжит бус  чуулганаар хөрөнгө оруулалтын тухай хуулийг хэлэлцүүлэх юм. Хөрөнгө оруулагч нь таван жилийн хугацаанд хөдөлгөөнгүй байх ёстой гэдгийг тус хуульд тусгаж байгаа аж. Харин энэ хуулийг эцэслэж нэрлээгүй байна.  Сүүлийн үед эдийн нөхцөл байдал хүндэрч байгаа. Энэ асуудлыг УИХ-аар ойрын хугацаанд хэлэлцэх шаардлагатай гэдгийг МАН-ын зүгээс шаардаж байгаа юм. Тиймээс ээлжит бус чуулганыг ирэх сарын 2-6-ны хооронд хуралдуулах төлөвтэй байсан ч Ерөнхий сайдын хэлснээр бол 16-нд хуралдахаар байна.

Ээлжит бус чуулган хуралдуулах эсэхийг УИХ-ын даргын зөвлөл хуралдан шийдвэрлэдэг билээ.