Cүүлийн үед Аргогийн араас орж магадгүй нэг хүн гарч ирэв. МАН-ын гишүүн гэж хамгийн түрүүнд өөрийгөө тодотгодог энэ хүн бол эдийн засаг ч Н.Дашзэвэг юм. Нэг хэсэг нам сольж баахан бужигнуулсан. Хамгийн сүүлд л гэхэд Н.Энхбаярыг дагаж МАХН-д орж “Шударга ёс” эвсэлээс УИХ-д нэр дэвшээд гишүүн болж чадаагүй. Тэгээд дараа нь Н.Энхбаярын намыг болохгүй, бүтэхгүй гэж элдэвээр зарлаад л МАН-даа буцаад ирсэн. МАН ч элдэвээр хэлж, сонгуулийн үеэр бүх л муу муухайгаараа дуудуулсан хүнээ дахиад л авч байдаг. Сураг сонсоход эдийн засагч маань Н.Энхбаярын намынхантай албан тушаалын хувиарлалтаас болоод муудалцаад МАН-даа очжээ. Учир нь тэрээр О.Чулуунбатын оронд Эдийн Засгийн хөгжлийн дэд сайд болохоор ихэд хөөцөлджээ. Түүнийг нь Н.Энхбаяр дэмжээгүй аж. Тэгээд л МАХН-ыг орхижээ.
  
   Гэвч эдийн засагч маань нам дамжсан их үйл хэргээ асар их гавьяатай гэж үнэлдэг болжээ. Энэ тухайгаа “Ерөнхийлөгчийн сонгуулийн үед МАН-ын рейтингийг өсгөхөд би хувь нэмэр оруулсан. Намайг гарсны дараа МАХН-ын рейтинг ихэд унасан” хэмээн цахим хуудсаараа зарлах болов. Хамгийн сонирхолтой нь МАН-ын рейтингийг өсгөхөд Н.Дашзэвэгийн ямар нөлөөлөл байсныг МАН-нынхан нэрлэж чадахгүй байгаа аж. Мөн Н.Дашзэвэгийг гарснаас хойш МАХН-ын рейтинг яаж унасныг МАХН-ынхан ч тайлбарлаж чаддаггүй. Харин ч МАХН-ынхан Н.Дашзэвэгийг явснаар “манай намын рейтинг өссөн” хэмээн ярилцдаг гэнэ.
   1990 оноос хойшхи бараг бүхий л УИХ-ын сонгуульд Н.Дашзэвэг гуай нэр дэвшсан байх. Бие дааж бас элдэв жижиг нам эвслээс гээд. Даанч ард түмэн түүнд итгэлээ өгөхгүй байна. Гэвч тэрээр 2016 оны сонгуульд намайг дэвшүүлж өгөөч хэмээн хамгийн түрүүнд МАН-даа хандах болов. Энэ тухайгаа “МАН намайг Сонгинохайрхан, Баянзүрх, Баянгол гэх мэт хамгийн олон сонгогчидтой тойрогт дэвшүүлбэл хамгийн өндөр хувийг авчирна” хэмээн зарлаж эхлэв. Ирэх сонгуулийн тухай хамгийн түрүүнд ярьсан түүнд МАН харин суудал өгөх болов уу гэдэг тун эргэлзээтэй юм. Ямар ч гэсэн тэрээр гандан буурахгүй сонгуулиа мөрөөдөж, намдаа хамгийн их хувь нэмэр оруулж байгаагаа ийнхүү ил тодоор зарлах болов.

   Эдийн засагч Н.Дашзэвэг гуай ингэж улс төрөөр оролдож, урваж шарвахын үлгэр жишээ болж явахаар тулаа хамгаалж, модны хулгайтайгаа тэмцээд явж байвал илүү нэр хүндтэй ч болж мэднэ дээ.