УИХ-ын гишүүн С.Ганбаатар "Оюутолгой"-н гэрээнд өөрчлөлт оруулах ёстой хэмээн мэдэгдсээр ирсэн билээ. Тэрбээр "Оюутолгой" компани далд уурхайгаа зогсоож,  цөөнгүй хүн ажилгүй болоод байгаа ч "Рио Тинто"-г давраахгүй байх ёстой гэсэн байр суурьтай хэвээр байгаа юм. Хамгийн сүүлийн мэдээллээр тэрбээр Дэлхийн уул уурхайн үйлдвэрчний эвлэлтэй нэгдэн "Рио Тинто" компанийн эсрэг тэмцэж байгаа аж. "Рио Тинто"-гийн Канадад байдаг олон уурхай нь хүний эрх зөрчсөн, байгаль орчин бохирдуулсан гэх шүүмжлэлд өртөж байдаг юм.