Их Британийн Ерөнхий сайд асан Тони Блэйрийг "Оюу толгой"-н гэрээний асуудлаар Засгийн газарт зөвлөх гэрээ байгуулан ажиллана гэсэн мэдээлэл дэлхийн олон хэвлэлээр гарсан. Энэ талаар өнөөдөр ЗГХЭГ-ын дарга Ч.Сайханбилэг тайлбар өглөө.
    Тэрбээр Тони Блэйр "Рио Тинто"-той холбоотойгоор Засгийн газарт зөвлөх гэж байгаа гэдэг нь ташаа мэдээлэл гэдгийг албан ёсоор мэдэгдлээ.
   Харин  Монгол Улсын Засгийн газраас Тони Блэйрийн үүсгэн байгуулсан “Тони Блэйр сан”-тай таван төсөл дээр хууль зүйн зөвлөгөө авах, моргейжийн зээлийг дэмжих  зэргээр жилийн хугацаанд хамтран ажиллахаар болсон аж.
    Тиймээс Их Британийн Ерөнхий сайд асан Тони Блэйр энэ сарын 7,8 буюу ирэх бямба, ням гарагт Монголд айлчилахаар болжээ.



.