Япон улсад айлчилж байгаа Ерөнхий сайд Н.Алтанхуяг өнөөдөр тус улсын Цог жавхлант Эзэн хаан, Хатан хаан нарт бараалхлаа. Тэрбээр гэргий Х.Сэлэнгэ болон Монгол улсаас Япон улсад суугаа Онц бөгөөд бүрэн эрхт Элчин сайд С.Хүрэлбаатар нарын хамт Эзэн хаантай  уулзсан юм.

   Эзэн хаан бол Японы төрийн тэргүүн, улс төрийн хэрэг шийддэггүй, парламентаас гаргасан шийдвэрийг батлан гарын үсэг зурах эрх бүхий ард түмний эв нэгдлийн бэлгэ тэмдэг болдог. Тиймээс Эзэн хаанд бараалхах ёслолын арга хэмжээ нь улс төрийн бус хоёр орны харилцааны цаашдын хөгжил, соёл, ард түмний найрамдлын талаар товчхон яриа өрнүүлдэг цэвэр хүндэтгэлийн ёслолын арга хэмжээ болдог байна.