БНКазУ-д суугаа Монгол Улсын ЭСЯ тус улсад амьдардаг монгол иргэдийг хүлээн авч уулзав. Уулзалтад Казахстанд сурч ажилладаг иргэдийн төлөөлөл  нийт 23 хүн оролцов.

Уулзалтын үеэр Монгол Улсаас БНКазУ-д суугаа Элчин сайд Ж.Сүхээ улс орны өнөөгийн байдлын талаар мэдээлэл хийж, суугаа орны зарим хууль журмаас танилцуулав.

Мөн цаашид иргэд сайн дурын холбоо байгуулж, зохион байгуулалтад орох, өөрсдийн эрх ашгийг хамгаалах үүднээс ЭСЯ-тайгаа ойр дотно харилцаатай ажиллахыг зөвлөж, тэдний сонирхсон асуултад хариулав.

Иргэд ихэнхдээ хөдөлмөр эрхлэлт, бүртгэл бичиг баримт, оюутан сургалт, Засгийн газрын тэтгэлгийн талаар асууж сонирхсон бөгөөд ЭСЯ-ны зүгээс хууль  зүйн зөвлөлгөө өгч, шинэчилсэн бүртгэлд ороогүй иргэдийг хамрагдахыг зөвлөв. Энэхүү уулзалтаар түлхүү яригдсан асуудлуудыг нэгтгэн санал боловсруулж, хоёр талын зөвлөлдөх уулзалтуудаар шийдвэрлүүлэхээр тус ЭСЯ ажиллах аж.