МАН-ын Ерөнхий нарийн бичгийн дарга асан У.Хүрэлсүх наймдугаар сард болсон намын Бага хуралд оролцоогүй. Түүнийг болон С.Баярыг уг хуралд оролцон намынхандаа санал бодлоо нэмэрлэж магадгүй хэмээн таамаглаж байсан. Бүр У.Хүрэлсүхийг намын даргад зүтгэж магадгүй гэх яриа тарсан. Тэгвэл У.Хүрэлсүх саяхан гэр бүлийнхэн нь амьдарч буй Австрали руу буцжээ. Тэрбээр 10-р сарын 27-нд болох МАН-ын Их хуралд оролцохгүй нь тодорхой боллоо. Гэсэн ч түүнийг алсаас намынхаа бодлогод нөлөөлж, "Шинэчилье" хөдөлгөөнийг дэмжсээр байх болно гэж эх сурвалжууд мэдээлж байна.