УИХ-ын гишүүн А.Муратаар ахлуулсан АН-ын шинэ жигүүрийнхэн намын дарга Н.Алтанхуягт хандах дараах шаардлагыг хүргүүллээ.

Нэг. Үндэсний зөвлөлдөх хорооны хурлыг Үндсэн дүрмийн 6.4.4-т заасны дагуу 2013 оны 10 дугаар сард багтаан хуралдуулах.

Хоёр.ҮЗХ-ны хуралдааны доорхи асуудлыг хэлэлцүүлэн шийдвэрлэх

• Дотоод сонгуулийн хорооны бүрэлдхүүнийг шинэчлэн батлах

• ҮЗХ-ны 2011 оны 5 дугаар сарын 9-ны 05 тоот тогтоолыг хүчингүй болгох

• ҮЗХ-оос эрх шилжүүлсэн бүх тогтоолуудыг хүчингүй болгох

• Сүүлийн гурван удаагийн ҮЗХ-ны ротацын 228 суудалд сонгууль зарлах

• АН-ын ХЭГ-ын бүтэц зохион байгуулалтыг шинэчлэх

• Ардчилсан намын их хуралд бэлтгэх ажлын хэсэг байгуулах

• Ардчилсан намын их хурлыг 2013 онд багтаан хуралдуулах товыг зарлах

Энэхүү шаардлагын хариуг 2013 оны 10 дугаар сарын 05-ны өдрийн 11.00 цагт Жигүүрээс зохион байгуулах "Үндсэн дүрмээ сахигтун, мөрдөгтүн" нээлттэй хэлэлцүүлгээс өмнө ирүүлэхийг мэдэгдэе.

Бид одоогийн хүчин төгөлдөр мөрдөгдөж байгаа Ардчилсан Намын Үндсэн дүрмийг дагаж мөрдөхийг шаардаж байгаа бөгөөд УИХ-аар хэлэлцэж эхлээгүй "Улс төрийн намуудын тухай" хуулийг хүлээх нь эрх зүйн хувьд бололцоогүй гэж үзэж байна. Бидэнтэй хамтран ажиллах тухайгаа хэвлэл мэдээллийн хэрэгслээр дамжуулан мэдэгдсэн танд гүн талархал илэрхийлье гэжээ.