УИХ-ын гишүүн Р.Амаржаргал ҮЗХ-ны гишүүнээс чөлөөлөгдөх хүсэлтээ гаргажээ. Тэрбээр өргөдөлдөө “Ардчилсан намын Үндсэн дүрмийн үйлчилгээ зогсоод бараг гурван жил өнгөрлөө. Намын бүтцийн байгууллагууд эрх зүйн чадамжгүй боллоо. “Ард олноосоо мандат авсан” гишүүд намын бодлогыг тодорхойлдог байх үзэл баримтлалыг намын дүрэмд суулгах санаалчилга ор сураггүй боллоо. Нөхцөл байдал ийм байхад ҮЗХ-ны гишүүнээс чөлөөлөгдөхийг хүсэж байна” гэж бичжээ. Тэрбээр харьяалалынхаа дагуу Ховд аймгийн Ардчилсан намын дарга Д.Цэвээнравданд хандаж өргөдөл гаргажээ. Ойрын үед АН-ын гишүүд болон шинээр байгуулагдсан жигүүрээс намын дүрмийг мөрддөг болохыг шаардаж, удирдлагууддаа шаардлага, хүсэлт хүргүүлж байгаа билээ. Энэ дагуу Р.Амаржаргал гишүүн өргөдлөө өгсөн байна.