Хуульчдын холбооны анхдугаар их хурал үргэлжилж байна.  Хуульчид өнөөдөр мэргэжлийн үйл ажиллагааны дүрмээ батлах юм. Хуульчид энэхүү дүрмээ батлахын тулд маш нухацтай хандаж байгаа нь хурлын явцад харагдаж байна.  Тэгвэл өнөөдрийн хурлын талаар Хууль зүйн сайд Х. Тэмүүжин хэлэхдээ "Мэргэжлийн хариуцлагын дүрэм батлагдсанаар иргэд хуульчид, өмгөөлөгчдөд итгэх, шударга ёс тогтоход сайнаар нөлөөлнө. Өөрөөр хэлбэл, хуульчдыг алдаагүй, ёс зүйтэйгээр ажиллах боломжийг бүрдүүлж  өгнө. Мөн хуульчид өөрсдөө дотоод хүсэл эрмэлзлээ өндөрсгөх боломжтой. Түүнчлэн хуульчаас үйлчилгээ авч байгаа иргэд өөрсдийгөө хамгаалах баталгааг бий болгож байна.  Хэнийг сайн хуульч гэх юм бэ гэдгээ хуульчид мэддэгүй. Тэгвэл энэ мэргэжлийн дүрмээр шинжиж үзнэ. Өөрөөр хэлбэл нэр хүндийн тогтолцоо үүсч байна гэсэн үг. Ер нь энэ дүрэм батлагдсанаар олон давуу талтай. Наанадаж иргэдийн гомдлыг бодитойгоор дүгнэх мэргэжлийн дүрэм бий болж байгаа гэж ойлгож болно. Анхдугаар их хурал дууссанаар мэргэжлийн дүрэм батлагдана.

Өмнө нь манайд хууль зүйн дэд бүтэц гэж байгаагүй. Одоо бид бол дарга,  намаар удирдуулдаг биш хуулийг хэрэгжүүлдэг дэд бүтцийг бий болгоно. Хуульч яг юу хийх ёстой юм, хуульчийг олон нийтийн зүгээс яаж хянах юм, шударга ёсны тогтолцоог яаж шийдэхийн гэх мэт олон ажлыг Хуульдчын холбоо хийнэ" гэлээ.