Өчигдөр УИХ-ын чуулганаар 2014 оны Улсын төсвийн анхны хэлэлцүүлгийг хийсэн. УИХ-ын гишүүдийн хэлж байгаагаар анх удаа улсын төсвийг Сангийн сайдгүйгээр хэлэлцсэн тохиодол боллоо. МАН-ын дарга Ө.Энхтүвшин: “Засгийн газар ойлголцож чадахгүй байгаа юм уу. Төсөв  дээрээ ойлголцож чадахгүй байна гэхээр ямар кабинетийн зарчим байх билээ” гэв. Харин УИХ-ын гишүүн Б.Бат-Эрдэнэ: “Сангийн яам нь зөрчилдөөд байгаа учраас Сангийн сайд нь ирэхгүй байгаа юм уу?" хэмээв.   

   Үнэхээр Ерөнхий сайд Н.Алтанхуяг 2014 оны улсын төсвийн төслийг танилцуулахдаа “зарим асуудлыг нь хараад, заримыг нь хараагүй” гэж байсан. Мөн төрийн албан хаагчдын тоог 3000-аар нэмэх Сангийн яамны төслийг дэмжихгүй байгаагаа чуулганы эхэнд хэлж байсан юм. Энэ удаагийн төсвийн төслийг Засгийн газрынхан дотроо сайн ойлголцолгүй чуулганд оруулсан бололтой.