УИХ-ын чуулган дээр ҮХАА-н сайд Х.Баттулга гишүүдийн асуултад хариулж байна. Түүнд малчид, үндэсний үйлдвэрлэгчдийг дэмжих бодлогыг хэрхэн хэрэгжүүлж байгаа талаар асуулга тавьсан юм.

   УИХ-ын гишүүн Л.Энх-Амгалан "Малчид, жижиг дунд үйлдвэрийг дэмжих хангалттай хууль баталсан. Харамсалтай нь хэрэгжилт нь учир дутагдалтай байна. Монгол мал хөтөлбөрийн тухайд нэгдсэн төсөвийн гурван хувиас багагүй тусгана гэж заасан ч байсан 2011 онд хүчингүй болсон Тиймээс санхүүжилтээс болоод үр дүнд хүрэхгүй байна" гэлээ.

   ҮХАА-н сайд Х.Баттулга "Цаашид хүн ам төвлөрсөн 3 том хотын ойролцоо 100 км радиус дотор мах, сүүний чиглэлийн фермэрүүдийг дэмжих зорилт тавьж байна. Өнгөрсөн нэг жилийн хугацаанд Үйлдвэр хөдөө аж ахуйн яамнаас Хөдөө аж ахуйн бирж байгуулж, ноолуурын 80 хувь, ноосны 90 орчим хувийг тус биржээр дамжуулан арилжаалжээ. Ноолуурыг эцсийн бүтээгдэхүүн болгосноор эргээд экспортод эерэг нөлөө үзүүлж байгаагийн зэрэгцээ жижиг, дунд үйлдвэрүүд хөгжих, малчид орлоготой болох бололцоо бүрдсэн байна" гэлээ. Одоо тэрбээр нөөцийн махны талаар гишүүний асуултанд хариулж байна.

  Асуулга дууссаны дараа УИХ-ын гишүүд мөнгөний бодлогыг үргэлжлүүлэн хэлэлцэх юм.