ҮХАА-н сайд Х.Баттулгаас УИХ-ын гишүүд махны үнийг тогтворжуулах хөтөлбөрийн үр дүнгийн талаар асуулаа.

   УИХ-ын гишүүн Ч.Хүрэлбаатар: "Хөтөлбөр хэрэгжүүлэхэд 100-гаад сая төгрөг гаргасан хэрнээ яагаад махны үнэ буураагүй вэ?" гэж асуув. Үүнд ҮХАА-н дэд сайд хариулахдаа "Өмнөх жилд үхрийн мах 2600 төгрөгөөр өссөн бол энэ жил 1000 гаруй төгрөгөөр өссөн байна. Хонины махны үнийн өсөлтийг 2,5 дахин бага барьж чадсан. Компаниуд махыг худалдаж аваад хадгалж байгаад үнийг нь өсгөхгүйгээр зарсан. Тиймээс үнэ өсөхгүй гэсэн ойлголт байгаагүй харин инфляцийг барьж чадсан. Бүх зээлүүдийг арилжааны банкууд баталгаа гаргаснаар 8-р сарын нэгний дотор Засгийн газрын мөнгийг буцааж төлсөн байгаа" гэв.
   Харин УИХ-ын гишүүн С.Бямбацогт: "Үнийг тогтворжуулахад 87 тэрбум төгрөг зарцуулсан. Үнийг тогтвортой байлгах, өсөлтийг бууруулах гэдэг хоёр өөр ойлголт. Ирэх жил махны үнийг тогтвортой байлгахын тулд юу хийх гэж байна вэ?" гэдгийг асуулаа.
    Сайд Х.Баттулга: "Махны асуудал аль ч Засгийн газрын үед яригддаг. Нийлүүлэлт өссөн үед үнэ унадаг, нийлүүлэлт багассан үед үнэ өсдөг. Тиймээс фермерийн аж ахуйг хөгжүүлж байж махны үнийг тогтвортой болгоно. Гэхдээ хагас бэлчээрийн хэлбэрээр зохион байгуулах хэрэгтэй. Ойрын хоёр жилийн хугацаан хотыг тойрсон фермерүүдийг хөгжүүлэх зорилт тавьсан. Нэн тэргүүнд малчдаа хоршоо болгох хэрэгтэй. Амьдын жингээр нь мах авах бодлогыг хэрэгжүүлэх хэрэгтэй байна.