Ирэх даваа гарагаас 18-ы өдрүүдэд нам, эвслийн бүлэг, ажлын хэсэг, байнгын хороо болон чуулганы нэгдсэн хуралдаанаар хэлэлцэх асуудал, хуваарийг танилцуулж байна.

 Нэг. УИХ дахь нам, эвслийн бүлгийн хуралдаан

Даваа гарагт:

• Улсын Их Хурал дахь Ардчилсан намын бүлгийн хуралдаан 10.00 цагаас “А” танхимд;
• Улсын Их Хурал дахь Монгол ардын намын бүлгийн хуралдаан 10.00 цагаас “Б” танхимд;

• Улсын Их Хурал дахь МАХН-МҮАН-ын “Шударга ёс” эвслийн бүлгийн хуралдаан 10.00 цагаас “В” танхимд.

Хоёр. Ажлын хэсгийн хуралдаан

• “Төрөөс эрдэс баялгийн салбарт баримтлах бодлого батлах тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 13.00 цагаас “А” танхимд;
• Иргэний эрүүл мэндийн даатгалын тухай хуулийн шинэчилсэн найруулгын төслийг хэлэлцүүлэгт бэлтгэх үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн хуралдаан 13.00 цагаас “Б” танхимд;
Жич:- Химийн хорт болон аюултай бодисын тухай хуулийн хэрэгжилттэй танилцах үүрэг бүхий Байгаль орчин, хүнс, хөдөө аж ахуйн байнгын хорооны ажлын хэсэг Орхон, Төв аймгууд болон Багахангай дүүрэгт 2013 оны 10 дугаар сарын 14-өөс 10 дугаар сарын 15-ны өдрүүдэд ажиллана;
- Эдийн засгийн байнгын хорооны эрхлэх асуудлын хүрээнд багтдаг төсвийн ерөнхийлөн захирагчдын 2014 оны төсвийн төслийн талаар санал, солилцох ярилцлага 2013 оны 10 дугаар сарын 15-ны өдрийн Мягмар гарагийн 10.00 цагаас “В” танхимд.